Qezaya Dêrikî ya Mêrdinî de vizêr veraşan TIRêk  qeza keza kerd. Gama ke hemwelatîyî vazdayê gazîyê birîndaran frenê yewna TIRî teqa û kewt mîyanê qelebalix. Qeza de 21 kesan dinyaya xo bedilnaye û bi desan kesî birîndar bîyî. 6ê înan bi giranî 25 birîndarî yenê tedawîkerdene.

Cenazayê 20 kesan ameyî girewtene û înan ra 17 kesî Dêrik, yew Artuklu û yew zî Qoser de ameyî definkerdene. Cenazaya kesêkî zî şawîyaye memleketê ci.

Badê definkerdişî Dêrik tezîyeyê cîya cîyayî ameyî ronayene. Hemsereka Pêroyî ya DBP Salîha Aydenî, Vervatoxa Partîye ya HDPyî Ebru Gunay û wekîle Merale Daniş Beştaş tewrê tezîyeyan benê û şarî rê serweşîye wazenê.

Nameyê 20 kesanê ke qeza de dinyaya xo bedilnaye wina yê: "Fesih Dag, Hatip Denk, Baran Açan, Unal Ekinci, İsa Ayebe, İrfan Aktaş, İnan Benk, İbrahim Halil Has, Mulkiye Acar, Ahmet Aktay, Baver Babur, Velat Dag, Bessi Baglayan, Kemal Dag, Abdulhamid Akkoyun, Necla Onen, Sitti Abul, Mihriban Tanrisever, Şervan Tanrisever û Yahya Ergin."