Nobeta Edaletî ya ke HDPyî dima ke dest nîya wekilîya Omer Faruk Gergerlîogluyî ser Meclîs de daye destpêkerdene, roja 3. de dewam kena.

Hemserkê KESKî Mehmet Bozgeyîkî pîya bi heyetêkî Nobeta Edaletî zîyaret kerd. Bozgeyîkî ard ziwan ke ê paştî danê Gergerlîoglu û êyê ke mucadeleyê heqanê mediman danê rayraberdene.

Bozgeyîşî bale ante ser ke prosesêko Qanûnê Bingeyî nîno caardene ra ravêrenê û vat: ''Birêz Gergerlîogluyî sere de kedkarê ke pê KHKyan ame îxraçkerdene problemê xeylêk hetan ardî rojdem û parlamento de bi teqîkarê nînan. Wardayîşê wekîlîya ey bêhuqûqîye ya. Eynî wextê de vera HDPyî dewa ameye akerdene û Hemserekê Pêroyî yê ÎHDyî ame destbendkerdene. Nê heme ramojnenê ke êyê ke haştîye wezanê û cigêrayîşê heqî de yê senî binê zextî de yê. Mucadeleyê şima semedê ma nimûne yo. Ma sey heme KHKyîyan û konfederasyonî kişta şima de yê.''