Birayê Rayberê Şarê Kurdî Abdullah Ocalanî, Mehmet Ocalan, vasîyê ci Mazlûm Dînçî semedê pêvînayîşê Îmraliyî muracatê Serdozgerîya Komare ya Bursa û Mudirîya Zîndanî ya Îmraliyî kerd.

Reyna birayê Omer Hayri Konar, Alî Konar, birayê Hamili Yildirimî, Polat Yildirim û waya Veysi Aktaşî, Melîhe Çetîn zî semedê zîyaretê Îmraliyî muracatê wird dezgehanê eleqedaran kerd.

Rayberê Şarê Kurdî Abdullah Ocalano ke  1999 de bi komployê mîyanneteweyî ame tepiştene o wextî ra nata binê tecrîdî yeno tepiştene. Muracatê pêvînîyaşî ya bi hewayêkê keyfî yenê redkerdene ya zî bêcewab yenê verdayene, ya zî vanê cezaya dîsîplînî ameya dayene û sebebêkê teberê huqûqî ramojnenê. Nîno zanayene ke cezayê dîsîplînî zî qey ameyî dayene.