Keyeyan verê Zîndanê Tekîrdagî de seba tepişteyanê grevê vêşanîye çalakîye kerde. Wekîla HDPyî Oya Ersoy zî paştî daye çalakîye.

Oya Ersoy çalakîye de qisey kerd û vist vîrî ke Zîndanê Tekîrdagî de mergî û xîretê xokiştişî qewimîyayî û vat: ''Tîya de 12 tepişteyî grevê vêşanîye de yê. Ê wazenê îdareyê zîndanî bivînê û binpaykerdişê heqan biqedê. Wezîfeyê îdareyê zîndanî û Wezîrîya Edaletî yo ke asayîşê ganê tepişteyan bipawê. La nê zîndanî de tacîz, îşkence û zorbazîye estê. Tirkîya de her hewte yew cenaza zîndanan ra vejîyena. Wezîfeyê dewlet o ke nê mergan vindarnê.''

Dadîya tepişte Mehmet Yildirimî Aslihane Yildirim zî îfade kerd ke lajê ci 17 serrî yo zîndan de yo û vat: ''Lajê mi 4 reyî amelîyat bi. Ez nêweş a la ameya ey bivîna. Wa tepişteyê nêweşî vera bidîyê.''