Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî 9ê adara 2021î ra nata 337 rojî yo lajê xo Ferît Şenyaşarî reyde verê Edlîyeya Riha de nobeta edaletî kena.

Keyeyê Şenyaşarî hesabê xo yê twitterî ser de no mesaj pare kerd: ''Verê edlîye de ma do tim vajê edalet, edalet. Bêvengîya vera zulmî pawitişê kiştoxan o. Pêro baro, rêxistinê huqûqî, partîyê sîyasî û şarê Riha wayîrê têkoşînê ma vejîyenê. Ma heqdar ê do ser bikewê.''