Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî, lajê xo Ferît Şenyaşarî reyde nobeta edaletî kena. Qedexeyê tebervejîyayîşî ra Şenyaşarî keyeyê xo de  roja 64. de nobeta edaletî rê dewam kenê.

Keyeyê Şenyaşarî hesabê xo yê medyaya dîjîtale ser o na eşkerayîye daye: ''Roja 64. de têkoşînê ma yê edaletî de ma venga pêro hêzanê demokratîkan û baroyan danê ke vera zulmî bêveng nêmanê. Bêrê ma pîya tedaya hukmî bişiknê.''