Çalakîya nobeta edaletî ya Keyeyê Şenyaşarî roja 347. de verê Edlîyeya Riha de dewam kena. Dadî Emîne Şenyaşar seba ke nêweş a, keyeyê xo de nobete rê dewam kena.

Ferît Şenyaşarî verê edlîye de pankarta peyê xo mojnaye û vat: ''Ma têkoşînê xo mîyanê sînoranê huqûqî de danê. Vera ney mudirîya polîsan derheqê dadîya mi de 13, derheqê mi de 4 bi temamî 17 dewayî akerdî.''

Şenyaşarî vat: ''Wextê îfadeyî de dozger û mudirê polîsan ma rê vanê 'Şima heqdar ê la ma goreyê fermanan têgêrenê, karê ma no yo.' Her cayê Tirkîya ra merdimî na dewa teqîb kemê. No şermê huqûqê Tirkîya yo. Wa edalet bêro, no zulm biqedo.''