Keyeyê Şenyaşarî: Ma do dewaya xo ya heqdare war nêverdê
Keyeyê Şenyaşarî Riha de nobeta xo ya edaletî rê dewam keno. Keyeyî Wezîrê Edaletî Abdulhamît Gulî rê vat: ''Ma do dewaya xo ya heqdare war nêverdê.''
Emîne Şenyaşara ke mêrdeyê ci û wird lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenayaşarî reyde 67 rojî yo nobeta edaletî kena. Semedê qedexeyê tebervejîyayîşî Şenyaşarî keyeyê xo de nobeta edaletî rê dewam kenê.
Keyeyê Şenyaşarî ewro medyaya dîjîtale ser de Wezîrê Edaletî Abdulhamît Gulî rê no mesaj erşawit: ''Ma do vera bêedaletîye bêveng nêmanê. Rixmo ke vera hende zulm û bêedaletî daymîşbîyayîş zor o ma hêvîdar ê ke edalet do bêro caardene. Ma do dewaya xo ya heqdare ra fek vera nêdê.''
