Keyeyê Şenyaşarî: Nê dozgerî rojêke do hesab bidê
Keyeyê Şenyaşarî vera Edlîyeya Riha de nobeta edaletî rê dewam keno. Keyeyî vera dozgeranê ke kiştoxan pawenê nêrazîbîyayîşê xo mojna û vat: ''Rojêke nê dozgerî do verê muhakemerdişî de hesab bidê.''
Emîne Şenyaşara ke lajê ci û mêrdeyê ci hetê pawitox û merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 38 rojî yo verê Edlîyeya Riha de nobeta edaletî gêna.
Keyeyê Şenyaşarî serê sibayî dest pê nobeta xo kerd.
Keyeyî dowîzê ni nuşteyê 'Edalet' akerd û fotografê hêrişî berz kerdî.
Keyeyê Şenyaşarî medyaya dîjîtale ser o wina mesaj da: ''Verê bînaya Edaletî ya Riha de 38 rojî yo ma têkoşînê Edaletî danê. Serdozger û dozgerî kiştoxan pawenê. Rojêke do bêra û nê dozgerî verê muhakemekerdişî de hesab bidê.''
