Nobeta edaletî ya keyeyê Şenyaşarî roja 308. de verê Edlîyeya Riha de dewam kena.

Ferît Şenyaşarî vat: ''Mîyanê AKPyî de wekîlêk esto ke qirkerdiş kerdo. No wekîl hema zî hetê tay kesan ra pawîyeno. Dozgerî seba ke îfadeyê ci nêgênê sûc kenê. Eke wekîlê AKPyî debikewê mîyanê şarî têkoşînê ma do bibo rojdem. Şar zî do wekîlan ra perso ke 'Çira dayîkêke verê edlîye de vindena ke 2 ewlad û mêrdeyê ci nêweşxane de qetil bîyê?' Eke wekîlêkê AKPyî eşkeno cewabê nê persî bido wa debikewo mîyanê şarî.''