Şorişgêrê almanî yê ke mîyanê têkoşînê azadîye yê kurdan de şehîd bîyî, keyeyê Jakob Riemer (Şîyar Gabar), Michael Panser (Bager Nûjîyan) û Konstantin Gedig (Andok Cotkar) Almanya ra tewrê têkoşînê Kurdîstanî bîyî û wextanê cîya-cîyayan de şehîd bîyî. Keyeyanê 3 şehîdan vat: ''Domanê ma vera neheqîya serê kurdan tewrê têkoşînî bîyî. Ma pê înan sereberz ê.''

Keyeyanê şorişgêran ê almanan Katharina Rîemer, Hans-Ulrich Panser, Ute Russ û Thomas Gedigî menga teşrîna verêne de Serekwezîra Almanya Angela Merkel rê mektubêk erşawitbi û venga hukmatê Almanya dabi ke vera hêrişanê dewleta tirke têbigêro.

Keyeyanê Şîyar, Bager û Andokî ANFyî rê qisey kerd. Keyeyan pare kerd ke domanê înan pê îradeyê xo tewrê têkoşînê kurdan bîyê û vat: ''Domanê ma seba ke neheqîya vera kurdan niqeda tewrê têkoşînî bîyî. Ma pê înan sereberz ê.''

Keyeyan derheqê mektubê xo de zî wina vat: ''Seba ke Almanya vera hêrişanê Tirkîya bêveng a bena hempara nê sûcî. Serekwezîre Angela Merkel têna sey cewabê mektubî ma rê dokumentê 'resayo destê ma' erşawit. Têna Wekîlê Partîya Demokratan ê Azadan (FDP) Dr. Marco Buschmannî cewab da e-mailê ma. Xeylêk dezgehanê Almanya ma reyde têkilîye ronaye la înan zî roportajê ma sansur kerdî. Ma wayîrê têkoşînê domananê xo vejîyenê. Seba kurdan destê ma ra çi yeno ma do bikerê.

Jakob Riemer (Şiyar Gabar) 9ê temmuza 2018î de Çarçela de, Michael Panser (Bager Nûjiyan) 14ê kanûna 2018î de Herêmanê Pawitişî yê Medya de, Konstantin Gedig (Andok Cotkar) 16ê teşrîna verêne ya 2019î de Serêkaniyê de hêrişanê hewayî yê dewleta tirke de şehîd bîyî.