Keyeyê Gurdegîran ra kesêko bîn ame tepiştene

Çewlîg de keyeyê Gurdegîran ra Ahmet Gurdegîro ke pê îşkenceyî amebi destbendkerdene tepişîya.

Dewa Madragî ya Çewlîgî de polîsan eştbî keyeyanê Ahmet Gurdegîr (34), Hatune Gurdegîr (65) û Ertan Gurdegîrî ser. Sereştiş de Ahmet Gurdegîr, Bermale Gurdegîr û Azad Gurdegîr ameybî destbendkerdene.

Bado ke Mudirîya Asayîşî de îfadeyê nê hîrê kesan ame girewtene vizêr sewqê serdozgerîye bîyî. Badê serzogerî îfadeyê înan dadgerîye de ameyî girewtene. Bermale û Azad Gurdegîr bi şertê kontrolê edlîyî ameyî veradayene û Ahmet Gurdegîr bi îdîaya endamîya rêxistine ame tepiştene.