Rindîyê tarîxî û tabîyî yê qezaya Çelê ya Colemêrgî 'polîtîkayanê asayîşî' ra semed ameyî teriknayene. Keyeyê kerrayînî yê 400 serreyî yê Çelê yê ke serran ra nata nênê restorekerdene çarçewa xebatanê Projeyê Anatoliaya Rojhelate (DAP) yê Wezaretê Teknolojî û Sanayî de do bêrê restorekerdene. Nê 21 keyeyanê 400 serreyan ra 5 hebî sey otêla butîke, 2 hebî sey bînaya xizmete ya şaredarîye û 14 hebî zî sey restorant, kafeterya, meymanxane do bêrê xebitnayene. 

Verê cû Şaredarîya HDPyî zî seba restorekerdişê keyeyan muracat kerdbi la netîce nêgirewtbi. 

Hemwelatîya bi nameyê  Ayşe Akbaş derheqê babete nê çîyî vat: ''Ma serran ra nata pawenê ke nê keyeyî bêrê restorekerdene. Ganî verê cû na xebeta biameyêne kerdene. La ma seba restorekerdişî kêfweş ê la ma qehirîyenê ke nê keyeyî sey restorant, kafeterya, otêle û bînaya şaredarîye do bêrê xebitnayene.''