Keyeyê Ocalanî seba pêvînayîşî muracat kerd

Keyeyê Rayberê Şarê Kurdî Abdullah Ocalanî û keyeyanê tepişteyan ê bînan ê Îmraliyî seba pêvînayîşî muracat kerd.

Mehmet Ocalan birayê Rayberê Şarê Kurdî Abdullah Ocalanî û  keyeyanê tepişteyan ê bînan ê Îmraliyî; birayê Omer Hayrî Konarî Alî Konar, birayê Hamîlî Yildirimî Polat Yildirim, waya Vesî Aktaşî Melîhe Çetîn pê rayîrê avûkatanê xo seba pêvînayîşî muracatê Serdozgerîya Komare ya Bursa kerd.

Avûkatanê Ocalanî Rezan Sarica, Raziye Turgut, Îbrahîm Bîlmez û Serbay Kokluyî zî vizêr seba ke bieşkê muwekîlê xo bivînê muracatê Serdozgerîya Komare ya Bursa kerdbi. Heta nika cewab nêame dayene muracatanê avûkatan.