Endamê Meclîsê Şaredarîya Zurîhî Andreas Kirsteino ke Înîsîyatîfê Kurdan rê Edaletî de ca geno û endamê Pirdê Waybiratîye yê Zurih Amedî yo ard ziwan ke seba ke haştîye Kurdîstan û Rojhilatê Mîyanênî ganî PKK lîsteya terorî bêro vetene.

Kirsteinî ke ANFyî rê derheqê kampanyaya îmzayan a PKKyî de qisey kerd wina vat: ''Mi zaf xebetanê semedê çareserkerdişê meseleya kurdan de ca girewt ke wa zulm û zextê vera kurdan bêro qedînayene. Ez paştî dana têkoşînê PKKyî û wazena ke wa lîsteya terorî ra bêro vetene. Seba ke ez paştî bidê têkoşînê şarî kurdî mi zî vilaweke îmza kerd. Seba  ke haştîye bêro  Kurdîstan û Rojhilatê Mîyanênî ganî PKK lîsteya terorî bêro vetene. PKK temsîlkaro meşrû yê kurdan o. Ganî dewletê mîyanneteweyî bikewê dewre, şirê Tirkîya ser ke şerê mabênê dewleta tirke û PKKyî bêro qedînayene. Yewîya Ewropa rîyê şantajê multecîyan û pêkerdişanê leşkerî û bazirganîyan ra zextê vera kurdan nêvînayîşî ra yena. Eke hinî PKK nêro krîmînalîzekerdene û Tirkîya bigêrîyo binê zextî PKK reyde pêvînayîşê haştîye eşkenê bêrê kerdene. Ganî Ewropa çirey xo vîr a mekero ke gerîlayanê kurdan a DAÎŞî ra xelisnaye. Xeyrê şerwananê kurdan şarê Ewropa çeteyan ra ame pawitene.''