Kişanake rê tepiştiş, Yildirime rê hepsê keyeyî

Çarçewa ''Cipêrsayîşê Kobanê'' de Gultane Kişanak newe ra ameye tepiştene û Gulsere Yildirim rê cezaya ''hepsê keyeyî'' ameye dayene.

Çarçewa ''Cipêrsayîşê Kobanê'' ke hetê Serdozgerîya Komare ya Anqara de ame despêkerdene  Hemşaredara Bajarê Pîlî yê Amedî ya verêne Gultane Kişanak û parlemtera HDPyî ya verêne Gulsere Yildirim Zîndanê Kandira ra  bi sîstemê SEGBİSî  îfade da.

Mehkeme bi sebebo  ke Gultane Kişanak ya ke xora zîndan de yena tepiştene, beno ke biremo teberê welatî  qerarê newe ra tepiştişî da û Gulsere Yildirim rê  bi şertê kontrolê edlîyî cezaya ''hepsê keyeyî'' ameye dayene.

Çarçewa cipersayîşî de 2ê êlul a 2019î de hemserekê pêroyî yê HDPyî yê verênî Fîgene Yuksekdag û Selahattîn Demîrtaş, 2ê teşrîna verêne de Endamê Heyetê Rayberdişî yê Merkezê HDPyî Alp Altinors, Endamê Komîsyonê Têkilîyanê Teberî yê HDPyî Nazmî Gur, Wekîla verêne Ayla Akat Ata, Endama verênî ya Heyetê Rayberdişî yê Merkezê HDPyî Bîrcan Yorulmaz, Berfîne Ozgu Kose, Dîleke Yagli, Can Memîş, Gunay Kubîlay, Bulent Parmaksiz, Pervîne Oduncu, Îsmaîl Şengun û Cîhan Erdal, Hesabgîro Pêroyî yo verên ê HDPyî Zekî Çelîk, Endamê HDPyî yê RTUKî Alî Urkut û wekîla verêne Prof. Dr. Emîne Beyza Ustun, 12ê teşrîna verêne de zî Hemsereka DBPyî ya verêne Sebahate Tuncel û Wekîla HDPyî ya verêne Aysele Tugluk ameybî tepiştene.

Hûmara kesanê ke ''Cipêrsayîşê Kobanê'' de ameyî tepiştene bîye 22.