Qezaya Pirsûsî ya Riha de 14ê hezîrana 2018î de merdiman û pawitoxanê Wekîlê HDPyî Halîl Îbrahîm Yildizî keyeyê Şenyaşarî ra  Haci Esvet Şenyaşar û lajê Adil û Celal Şenyaşarî qetil kerdbî.

Îbrahîm Yildizo ke kamerayan de ame testpîkerdene ke  pê guleyan wird birayî, Celal û Adili Şenyaşarî qetil kerdî, 5 serrî yo derheqê ci de qerarê tepiştişî est o. Îbrahîm Yildizo ke rixmê qerarê tepiştişî heta ewro nêameyo tepiştene nêweşxane de dinyaya xo bedilnaye.

Îbrahîm Yildiz 16ê adare de Mersin de nêweşxaneyêko taybet (Merkezê Tibî yê Metropolî) de amelîyat de dinyaya xo bedilnaye.Cenazaya Yildizî ameye ardene Nêweşxaneyê Dewlete yê Pirsûsî.

Rixmo ke derheqê Yildizî de qerarê tepiştişî est o, 3 serrî cuwa ver kênaya waya Wekîlê AKPyî Halîl Îbrahîmî reyde zewijyayo û kênayêka ci est a.