Kitabê Rayberê Şarê Kurdî Abdullah Ocalanî ''Şaristanî, Homayanê Maskekerdeyan û Dewrê Qralanê Seregirewteyan'' açarîyabi armenkî. Kitab dibistana perwerdeyî ya Mkhîtar Sebasatsî ya Êrîvanî de dîya şinasnayene.

Tarîxnas Armen Vosnakyan, Hemserekê Komîteya Kurdîstanî Silo Dirboyan û rojnamegere Lianna Mihoyan tewrê daşinasnayîşî bîyî.

Vosnakyanî îfade kerd ke Ocalanî no kitab mîyanê şertanê tecrîdî de nuşto û kitab panc cîldan ra yeno pê. Vosnakyanî pare kerd ke çiqas Ocalan binê tecrîdî de bibo zî fikrê ci vilayê pêro dinya benê.

Lianna Mihoyan vat: ''Têkilîyanê kurdan û armenîyan de pirdêk virazîyayo. No kitab na têkilîye xurt keno.''

Dirboyanî bale ante paradîgmaya Rayberê Şarê Kurdî ser û ard ziwan ke kitabê Ocalanî seba nêweşîya kapîtalîzmî derman ê. 

Peynîya aktîvîte de kitab pêro wendekaran rê ame vilakerdene.