Kitabxaneyê Rayberîye yo ke seba daşinasnayîşê paradîgmaya Rayberê Şarê Kurdî Abdullah Ocalanî kewtbi rayîr, vizêr gêrayîşê xo yê Swîsre şaristanê Lozanî de qedîna. Çalakîya Kitabxaneyê Rayberîye 26ê adare de Zurih de bi şîarê 'Azadîye do ser bikewa' dest pêkerdbi, şaristananê Luzern û Solothurnî ra gêrabi.

 Çalakîye de kitabê Abdullah Ocalanî ameyî vilakerdene û şarî rê qala têkoşînê azadîye amebî kerdene. Pêro şaristanan de eleqeyêko pîl ame mojnayene kitabxaneyî.

Vervatoxa Meclîsê Cinîyan ê Lajîne Ozleme Yavuz derheqê kitabxaneyî de qisey kerd û vat: ''Çareserîyê Rayber Apoyî yê serê azadîya cinîyan, cuya ekolojîke û demokrasî eleqeyêko pîl dî.''

Hemserekê CDKyî yê Lozanî Sitki Demîrî da zanayene ke seba daşinasnayîşê paradîgmaya Ocalanî xebatê înan do dewam bikerê û vat: ''Çarçewa rojbîyayîşê Rayber Apoyî de zî çalakîyê ma yê 4ê Nîsane est ê.''