Kitabxaneyê Rayberîye seba ke paradîgmaya Rayberê Şarê Kurdî Abdullah Ocalanî bido şinasnayene 27ê adare de bi şîarê 'Azadîye do ser bikewa' şaristanê Zurichî yê Swîsre ra kewtbî rayîr.

Kitabxaneyê Rayberîye vizêr Luzern de bi. Xeylêk kesan kitabxane zîyaret kerd. Kitabxane de çarçewa kampanyaya vera qedexeyê serê PKKyî îmzayî zî ameyî arêdayene. 

Mayê Haştîye Fatma Toren (72), Zelale Ozkan (72), kedkar Alî Toren (69), Kadrî Ozkan (79) û Abdurrahmîm Îlbaş (54) dormeyê kitabxaneyî de kom bîyî. 

Zelale Ozkan pare kerd ke Abdullah Ocalanî musna kurdan ke azadîye çita ya û ê do tim seba azadîya Ocalanî têkoşîn bikerê.

Hemserekanê CDK-Luzernî Sabîha Yilmaz û Ercan Guneşî zî îfade kerd ke şarê Swîsre eleqeyêkê pîlî mojneno kitabxane.

Endama Heyetê Têkilîyanê Teberî yê CDKyî Pinare Demîr da zanayene ke kitabxane ewro Solothurn û roja çarşemeyî zî do Lozan de bibo.