Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameyî qirkerdene, lajê xo Ferît Şenyaşarî reyde verê Edlîyeya Riha de nobeta xo ya edaletî rê dewam kena.

Roja 334. de Serekê Partîya Komunîste ya Kurdîstanî (KKP) Sînan Çîftyurekî Wekîlê HDPyî yê Riha Nusrettîn Maçîn û îdarekaranê HDPyî yê Riha reyde keyeyê Şenyaşarî zîyaret kerd. Çîftyurekî wextê zîyaretî de vat: ''Dadîyêke, keyeyêk bi mengan o nobeta edaletî kenê. Ma înan selam kenê. Xoverdayîşê înan xoverdayîşê şarê ma yo.''