Konseya Rayberdişî ya KNK'yî bi weîleya 1ê Teşrîna Peyêne Roja Kobanê ya Dinya û 2ê Teşrîna Peyêne Roja Rojawanî ya Dinya beyanatêk weşana û seba çalakîyan veng da.

Beyanat wina yo:

"Destpêkê şorişê Sûrî ra heta nika, Dewleta Tirkan û hemkarê aye (DAÎŞ, El Nûsra ûsn.) hêrişê şorişê Rojawanî û destkewteyê şarê ma kenê. Hêzê pawitişî û şarê ma zî bi pêroyê îmkananê xo û bi mêrxasîya bêhempa xo ver danê. Xverdayîşo pîl û namdar ê Kobanê yo.

Xoverdayîşê Kobanê, rayaumûmîya cîhanî de veng vet û bîyo sembolê şorişê Rojawanî. Na çarçeweye de roja 1ê Teşrîna Peyêne bîye Roja Kobanê ya Dinya. Serrgêra 5'ine ya Roja Kobanê ya Dinya de hêrişê Dewleta Tirkan û hemkarê înan Rojawan de dewam kenî. Naye ra Kurdî û dostê xo meydanan de bi çalakîyan wayîrê Rojawanî vejîyenê. Na çerçewe de roja 2ê teşrîna peyêne de asta dinya de sey roja çalakîyan ê wayîrvejîyayîşê Rojawanî ameye parekerdene.

Ma vanê senî ma pêro seba Kobanê seferber bîyî û dima zî Cîhanî zî paştdayîşê xo mojna Kobanê, hanî bi heman ruh û heman coş reyna seba Rojawanê Kurdistanî bêro mojnayene. Ma sey KNK veng danê şarê Kurdî û rayaumûmîya dinya û vanê ke roja 2ê teşrîna peyêne de bivejîyê meydanan, paşt bidê şervan û xoverdayoxan û wayîrê xoverdayîşê Rojawanê Kurdistanî bivejîyê."