Bajarê Kolnî yê Almanya de îdareyê perwerdeyî  seba ke wendegeh de ziwanê dayîke bêro musayene, gêreno malimê/a kirdkî (zazakî/kirmanckî).

Perwerde do hewte de  vîst saetî bêro dayene. Wezîfe do mektebanê ciya cîyayan ê Kolnî de bêro dayene û ders bitaybetî do cemê şanî bêro kerdene. Îlan de yeno vatene ke goreyê mufredatê eyaletê NRWyî dibistan, wendegehê  taybetî û wendegehê  mîyanênî de do semedê ziwanê dayîke kursêko tewr hîra bêro awankerdene. Wextê wezîfeyî sînordar o têna seba nêmserre eşkeno bêro dergkerdene. Kesê eleqedarî eşkenê murcat bikerê. Roja peyên a muracatî 24ê êlule a.