Koln û Winterthur de xespkerdişê îradeyê şarê Colemêrgî hetê kurdîstanijan ra  bi çalakîyan ame protestokerdene.

Şaristanê Kolnî yê Almanya de serkêşîya Merkezê Komelê Demokratîkî yê Kurdan de çalakîyêke ameye kerdene. Çalakîye de îdarekarê Die Linke Vedat Akterî heqê qiseykerdişî girewt û tayînkerdişê qeyûmî şermezar kerd. Nameyê Merkezê Komelê Demokratîkî yê Kurdan ser o zî Sîdar Ayhanî ard ziwan ke ê qeyûman qebul nêkenê û tim do paştî bidê şaredarîyanê DEM Partî.

Şaristanê Winterthurî yê Swîsre de zî Endamê Dîwanê Hemsrekîya KCDK-E Musa Farisogullariyî îfade kerd ke faşîzmê AKP-MHPyî weçînayîşanê 31ê adare de bin kewto û nika bi îmkananê dewlete îradeyê şarî xesp keno.

Kurdîstanijê Swîsre ewro zî do nê cayan de çalakîyan bikerê:

Zurich, Saete: 14.00, Verê Sersefîrîya Tirkîya, Weinbergstrasse 65, 8006 Zurich

Lozan, Saete: 18.00, Rue Saint-Laurent, 1003 Lausanne

Cenevre, Saete: 18.00, Verê postaxaneyî, Rue du Mont-Blanc 18, 1201 Genève