Tepişteyan vera tecrîdkerdişê Rayberê Şarê Kurdî Abdullah Ocalanî çalakîya grevê vêşanîye yê bidor-bêagêrayîşî dabi destpêkerdene. Koma 3. roja 11. de grevê vêşanîye dewir girewt.

Zîndanê Tarsusî ra Mehmet Abay û Vedat Bektaşî grev dewrê Veysî Denîzhan û Serhat Borakî kerd. Tepişteyan Denîzhan û Borakî bi rayîrê keyeyanê xo no mesaj da: ''Ma qerardar ê ke tecrîd pê xoverdayîşî bişiknê. Ma soz danê ke ma do pê ruhê 14ê Temmuze wayîrê têkoşînî vejîyê û nê ruhê xoverdayîşî pê serkewtişî tacîdar bikerê. Xoverdayîş û raştîye do ser bikewê.''

Sebahate Tuncel zî grev de ya

Hemsereka verêne ya DBPyî Sebahate Tuncel 4 serrî yo Zîndanê Kandira de tepişte ya. Sebahate Tuncel koma 3. de ca gêna.

Verî zî heman zîndanî Wekîla verêne ya HDPyî ya Amedî Çaglare Demîrelî bi rayîrê keyeyê xo dabi zanayene ke o do dest pê grevê vêşanîye bikero.Dima ke Çaglare û tay cinîyan ê tepişteyan dest pê grevî kerd gardîyanan eşt koxûşê Fîgene Yuksekdaf, Gultene Kişanak, Gulsere Yildirim, Aysele Tugluk, Sebahate Tuncel, Nurhayate Altun û Edîbe Şahîn ser û dest na hacetanê înan ser.

Mîyanê nê hacetan de waştişnameyê Sebahate Tuncel zî estbi ke Tuncele tede waşta ke Rayberê Şarê Kurdî Abdullah Ocalanî Zîndanê Îmraliyî ra bêro neqlkerdene û a do vera tecrîdî dest pê grevî bikera.