Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 547. de dewam kena.

No hewte koma Mannheimî nobete dewr girewte. Kome de kurdîstanijî Mahmût Kasem, Kerîm Tuzun, Fatîh Dag û Mûstafa Yildiz ca gênê.

Mahmut Kasemî nameyê kome ser o qisey kerd û bale ante ser ke di serrî yo Rayberê Şarê Kurdî Abdullah Ocalanî ra xeberêke nêna girewtene. Kasemî vat: ''CPTyî vat ke înan zîyaretê Rayberîye kerdo la vejîya werte ke Rayberê ma înan de pêvînayîş nêkerdo. Kurdî û dostê înan ney qebul nêkenê. Ma na rewşe û bêvengîya CPTyî û dinya şermezar kenê. Heta Serek Apo azad nêbo na nobete do dewam bikera.

Kerîm Tuzunî zî bombardumanê dewleta tirke yê vera Başûr û Rojawanê Kurdîstanî û hêrişê kîmyewîyî yê vera gerîlayan şermezar kerdî.