Serekê Komîsyonê Têkilîyanê Karanê Teberî yê Meclîsê Temsîlkaranê DYA Demokrat Elîot Engelî û lîderê Serekkomarparêzanê komîsyonî Mîchael McCaûlî, vernîyazê qanûnî seba qedînayîşê operasyonê leşkerî yê Tirkîya yê serê Vakur û Rojakewtena Sûrîye dabi destpêkerdene, komîsyone de ame qebulkerdene. Goreyê vernîyazî tedayî serê kesanê ke eleqeyê înan bi nê operasyonî estî rê bêrê xebitnayene.

Ancî goreyê heman vernîyazê tedayî seba herînayîşê sîstemê pawitişî yê S-400'îyo ke  Tirkîya Rûsya ra herînabi, zî bêrê kerdene. Eke vernîyaz bibe qanûn, rotişê çekan ê Amerîka yê seba Hêzanê Çekdarî yê Tirkîyê ke Sûrîye de operasyon kenî, bêro astengkerdene.