Komîsyonê Ekonomî yê HDPyî ra raporê vaykerdişan amade kerd. Raporî doneyê wextê sîstemê hukmatê serekkomarîye dayî. Rapor kombîyayîşêkê çapemenîye de ame eşkerakerdene. Berpirsîyarê Komîsyonê Ekonomî Garo Paylan, endamê komîsyonî Erol Katircioglu, Serpîle Kemalbey, Nedet Îpekyuz tewrê kombîyayîşî bîyî.

Rapor de nê çîyî ameyî vatene:

-Sîstemê hukmatê serekkomarîye ra dima enflasyon se ra 30-40 zêdîya. Heqê tay berhemanê sey ardan, ceyran, fasulya, miqarne, sole se ra 100 ra zafêr zêdîyayî.

-Bi taybetî prosesê pandemî de heqê meywe, sebze, rûn û baqlîyatan zaf zêdîyayî. Îqtîdarê AKP-MHPyî nê prosesî de herinda paştdayîşî de deynî dayî hemwelatîyan.

-1ê çeleyê 2021î ra dima bacê telefon, mor, otomotîv,emlakî ameyî zêdînayene.

-2ê sibata 2021î ra dima Bacê Xerckerdişê Şexsîyî (OTV) û bacê tay otomobîlan ser 60 zêdîyayî. Bacê erdlerzî ameyî zêdînayene. Heqê xizmetê umumîye ame zêdînayene.

-Mabênê 2002 û 2019î de 4 hezar 801 kesan tengasîya ekonomîke ra xo kişt.

-Serra 2020î de her roje 300 esnafan îflas kerd.

Komîsyonê Ekonomî yê HDPyî pare kerd ke sîstemê hukmatê serekkomarîye sîstemê vay û sefaletî yo. Komîsyonî da zanayene ke çareserîya nê vaykerdişan 'Ekonomîya Cuya Newîye' ya HDPyî de ya.