Komîteya Weşîye ya KCKyî bi eşkerayîyêke xoverdayîşê kedkaranê weşîye û doktoran selam kerd û 14ê Adare Roşanê Tipî fîraz kerd.

Eşkerayîya KCKyî bi kilmî wina ya:

''Ma çalakîyanê kedkaranê weşîye selam kenê. Ma bi coşê xo yê zerrîya şorişgêr û xoverdayoxe waştiş û armancanê xo anê ziwan. Vatişê 'Ma sey doktor û kedkaranê weşîye nêşorê. Ma tîya de bîyî, tîya de yê û do tîya de bibê' vatişo tewr manadar o ke têkoşînê înan vano. Kede yê şima ya, vatiş ê şima yê, no welat ê şima yê. Êyê ke do nê welatî ra şorê ê kes ê ke çim verdayo keda şima. Êyê ke ganî şorê hukmato faşîst ê AKP-MHPyî yo.

Şima bi serran o şarî rê xizmet kenê. Şima sey kedkarê ercîyayeyî yê weşîye, seba ke bibê hêzê bêhezan, seba bibê çareyê bêçareyan, seba têkoşînê vera meg û nêweşîye sey vizêrî ewro zî do erdê xo de bimanê. Şima serkêşê komelî yê. Çalakîya şima, tewirê şima do serkêşîya şorişê komelkî bikera.

Têkoşîno ke şima wextêkê dergî ra nata kenê manadar û heqdar o. Waştişê şima yê serekeyî; caardişê xizmetê weşîye, wedartişê yewdestkerdişî û sereraştkeridşê budçe, çareserkerdişê meseleyanê ekonomî yê kedkaranê weşîye, amadekerdişê qanûnê vera şîdetî waştişê girîng ê. Şîdetê vera kedkaranê weşîye hînî bîyo kerdişêko normal. Seba ke vera ney qanûnêk nêno viraştene şîdet yeno teşwîqkerdene.

Çalakîyê kedkaranê weşîye nîşaneya vervejîyayîşê hêrişanê faşîzan ê hukmatê Erdoganî ya. Ekonomîya welatî bi temamî seba çinkerdişê gerîlayanê azadîya Kurdîstanî yena xerckerdene. Têkoşînê şima do verê nê şerê barbarî bigêro.''