Federasyonê Elewîyanê Bektaşîyan (ABF), Federasyonê Komeleyanê Elewîyan (ADFE),Komeleya Kulturî yê Pîr Sultan Abdalî (PSAKD), Komeleyanê Elewîyanê Demokratîkan (DAD),Komeleyanê Kulturê Elewîyan (AKD),Weqfa Kulturê Anadoluyî ya Haci Bektaşî Velîyî (HBVAVK), û Konfederasyonê Yewîya Elewîyanê Ewropa (AABK) Komxebata Girde ya Elewîyan organîze kerde.

Serekkomarê Tirkîya Erdoganî îlan kerdbi ke ê do binê serbanê Wezîrîya Kultur û Turîzmî de Serekîya Cemxaneyan û Kulturê Elewî-Bektaşîyan awan bikerê. Komxebete sey nêrazîbîyayîşê vera nê qerarî ameye kerdene.

Komxebeta ke bi hezaran kesî tewrê ci bîyî badê qiseykerdişan deklarasyon ame eşkerakerdene û nê waştişî ameyî rêzkerdene:

"* Wa Cemxaneyî sey îbadetxane bêrê naskerdene û heme heqanê xo bieşkê bişuxulnê, dergah û mekanê ma yê ke ameyî destsernayene wa peyser bêrê dayene û qerarê fermîyê ke vera ma ameyî girewtene wa peyser bêrê antene,

* Wa dersê dînîyê bizorî pê zorî merê dayene û perwerde binê tesîrê dînî ra vejîyo,

*  Wa Serekîya Karanê Dîyanetî destê xo serê komelî ra bianco û bêro tasfîyekerdene,

* Wa çimeyanê umûmî û kadroyanê umûmî de nîzamo goreyê edalet û secîyeyîye bêro caardene û sere de elewîyî tewiro negatîf ê vera hetanê ke raştê neheqîye yenê,  bêro wedaritene,

*Wa Madimak bibo muzeyê şermî,

* Wa sucê nefretî yê vera elewîyan bêrê eşkerakerdene û seba ke verê sûcanê neweyan bêro girewtene tedbîrê qanûnîyê ke hewce kenê bêrê girewtene,

* Wa bi qirkerdiş, qetlîam û caardişanê asîmîlasyonî yê ke vera elewîyan ameyî kerdene dir bêro têrî,

* Wa talan û destsernayîşê vera waranê ma yê bimbarekan û cografyaya ma bêrê vindarnayene,

* Wa nameyê cayanê elewîyan nêro bedilnayene û cayê ke ameyî bedilnayene nameyê înan wa bêrê îadekerdene.

*Wa rojê ke bawerîya elewîyan de taybet ê sey tehtîlê fermî bêrê îlankerdene,

* Wa Qanûnê Bingeyî bêro newekerdene ke tede hemwelatîya seyyewbîne bêro cakerdene .”