Amed e hetê Egitim-Senî ra komxebata ‘Perwerdeyê Ziwanê Dayîke de ver bi Çareserîye; Îmkanî, Astengî û Pêşnîyazî’ ameye organîzkerdene. Xeylê temsîlkarê komelê sîvîlî tewrê ci bîyî.

Roja diyîne ya komxebate de Nuştox Haydar Diljenî qisey kerd. Diljenî ziwanê dayîke sey heqêkî pênas kerd û vat: ''Domanê ke keye de ziwanê dayîke musenê mekteban de tira yenê dûrfînayene, no zî verê serkewtişanê înan geno. Gerek caardişê Rojawanî se sey numûne bêrê girewtene û perwerdeyê ziwanê dayîke mektebê verênî ra heta unîversîte dewam bikero.''

Serekê Egitim Senî yê Şubeyê Amedî Yildirim Arlsnaî zî vat semedê komelêkê demokratîkî gerek astengê verê sîstemê perwerdeyî bêrê wedaritene.

Jineolojî ra Figene Kaplan zî vistvîre ke cinîyî tarîxî ra nata teberê dinyaya zanistî de yenê tepiştene û vat: ''Zanayîşo xelet kole keno, zanayîşo raşt zî azad keno.''

Fîgene Kaplan rolê cinîyan o tarîxî yê têkoşînê vera cinsîyetperestî û têkoşînê cinîyan ê semedê heqê perwerdeyî yê yo ke Rojhelatê Mîyanênî ra heta Amerîkaya Latîne xeylê cografyayan de ame kerdene sey numûne ramojna.

Komxebate bi erjnayîşanê tewrbîyayoxan û kursuyê azadî dewam kerd.