KON-MEDî bi eşkerayîyêke venga pêro kurdîstanijan da ke 14ê gulane de Berlin de tewrê rayraşîyayîşê pîlî bibê û vat: ''Ma wayîrê xoverdayîşê gerîlayan û Kurdîstanî vejîyê. ''

KON-MEDî bale ante ser ke dewleta tirke hêrişê Şingal, Rojawan û Herêmanê Pawitişî yê Medya kena û destkewteyanê kurdan hedef kena. KON-MEDî îfade kerd ke dewleta tirke vera gerîlayanê azadîye derbanê giranan wena û coka dest erzena çeka kîmyewîye.

KON-MEDî vat: ''Welatê Ewropa vera şerê Rûsya û Ukrayna qîyamet nanê ro la vera hêrişanê kîmyewîyan ê tirkîya çîyêkî nêvanê. Ê mesuldarê qirkerdişê kurdan ê. Ma venga hukmatê Almanya, Neteweyanê Yewbîyayeyan û pêro dewletan danê ke destek nêdê dewleta tirke û îşxalê Kurdîstanî vindarnê!

Ma venga pêro kurdîstanijan û dostanê xo danê ke 14ê gulane de, roja şemeyî saete 11.00 de bi şîarê 'Vera îşxal û îxanetî Kurdîstanî bipawê! Defend Kurdistan' tewrê rayraşîyayîşê merkezî yê Berlinî bibê, rîyê raştikênî yê dewleta tirke û PDKyî eşkera bikerê, wayîrê gerîlayan vejîyê.  Bi ruhê seferberîye ma vera nê şerê qirkerdişî gerîlayanê azadîye hetî de bibê û pê pêro hêzê xo Kurdîstanî bipawê.''

Agahîyê serê çalakîye wina yê:

Ca: Berlin-Potsdamer Platz

Saete: 11.00

Tarîx: 14ê gulane.