KON-MED: Sereştişê polîsanê Almanî nênê qebulkerdene

Federasyonê Komelanê Kurdîstanî yê Almanya (KON-MED) sereştişê ke Heilbronnê Almanya de vera dezgehanê kurdan ameyî kerdene şermezar kerdî.

KON-MEDî pare kerd ke polîsan serê sibayî eşt keyeyê Hemserekê Federasyonê Komelanê Kırdîstanî (FCK) Saît Ozturkî, Merkezê Komelê Demokratîk ê Kurdan û keyeyanê 5 îdarekaranê ci ser.

Ozturkî ra ber kesê ke ameyî destbendkerdene nê yê: Gulîstane Ozdemîr, Lokman Karaaslan, Rahîme Ateş û Dîkkat Revsî.

KON-MEDî derheqê destbendkerişan û sereştişan de beyanatêk kerd. Beyanatê KON-MEDî wina yo:
"Hukmatê Akmanya hemkara xo Tirkîya reyde eşt ser dezgehanê kurdan û keyeyanê îdarekaranê dezgehan. Sebebêko musbet ê nê sereştişan çin o. Ma îfade kenê ke ma nê hêrişanê vera dezgehanê ma yê Kurdîstanijan qet qebul nêkenê û şermezar kenê. Prosesêkê wina hîsgerî yo ke kurdî yenê qirkerdene de nê şîdetî, astengî û tedayî yê komeleyanê kurdan ser o bikê ke  tehemulê kurdan çin biko.Ma seba ke asîmîle nêbê, Almanya de kulturê xo dewam bikê, komelê xo aver bikê, rûmetê xo bipawê û tarîxê xo xo vîrî ra nêkê nê komeleyî saz kerdî. Ma do naye baş bivisnê vîrî ke kurdan qet sereyê xo çewî verî de nêardî cêr û ê do nêarê cêr. Sere de pêro şarê kurdan ma venha rayaumûmîya demokratîke danê  ke bêrê paştî bidê merkezanê komelê demokratîkî."