Konfederasyonê Komeleyanê Kurdan ê Almanya (KON-MED) eşkerayîyêke weşanaye û vist vîrî ke seba Evîne Goyî, Mîr Perwer û Abdurrahman Kizil ê ke 23yê kanûna 2022yî de Paris de ameybî qetilkerdene, siba do merasîmê cenazayan bêro kerdene.

Eşkerayîye de ame parekerdene ke şarê kurdî do hesabê nê qirkerdişan qetî biperso û wina ame vatene: ''Dadgerîya Fransa zî ganî nê tewirê xo ra fek vera bida ke wijdanê komelî bi taybetî zî wijdanê komelê Fransa dejneno.

Ma do bi pêro rayîr û metodanê demokratîkan û huqûqîyan hesabê şehîdan bipersê. Ma venga kurdîstanijanê Almanya danê ke wezîfeyê xo yê seba şehîdan bîyarê ca û verê xo bidê Parisî. 3yê çeleyê 2023yî de ma do bi hêrsî şehîdanê xo bişawê Kurdîstanî. Seba yadkerdişê înan, ma bi hawayêkê xurtî şehîdanê xo bierşawê.''