Dîwanê Hemserekîye yê KONGRA-GELî ke derheqê hêrişê vera Hesekê yo ke 20ê çeleyî de ame kerdene û hêrişê vera Mexmûr, Şingal û Rojawanî yê 1ê sibate de eşkerayîye daye û nê pare kerdî:

''AKP-MHPyî badê amadekarîya derge hêrişo ke Serêkanî û Girê Sipî ra organîze kerd 20ê çeleyî de serrgêra hêrişê îşxalî yê vera Efrînî de Hesekê de da destpêkerdene. No hêriş hetê hêzanê QSDyî ra pûç ame vetene. Dewleta tirke eynî wextî de hêrişê Şingalî kerd.  Senî ke 20ê çeleya 2014î de DAÎŞ Kobanê de bin kewt 26ê çeleya 2022yî de zî hêrişê çeteyanê DAÎŞî yê vera Zîndanê Saraa bin kewt. Badê Kobanê nê binkewtişê girdî darebeya girde daye çeteyanê DAÎŞî dewleta tirke ro. Fazîmê AKP-MHPyî seba ke rojdemê nê binkewtişî bibedilno 1ê sibate de bi hewayêkê hemwextî hêrişê Mexmûr, Şingal û Rojawanî kerd.

Çimê faşîzmî kor o, raştîye nêvîneno. Faşîzmê dewleta tirke de zî raştîya şarê kurdî qebul nêkena û vana qey eşkena têkoşînê azadîye yê kurdan vindarno. Dişmenîya vera kurdan û şehîdî têkoşînê kurdan pîlêr kenê. 50 serranê peyênan de têkoşînê şarê ma yo ke serkêşîya Rayber Apo û PKKyî de yeno kerdene zî nê ramojneno.  Wa dost û dişmenî pêro bizanê ke polîtîkayê înkar û îmhayî yê dewleta tirke yê vera kurdan prosesê rijnayîşî de yê. Rîyê tersê rijnayîşî ra hêrişê xo zêdînayî. Sere de vera destkewteyanê şarî kurdî muxalîfan rê hêriş yeno kerdene. Seba ke prosesê rijnayîşî de hêrişanê xo zêdînenî la çend hêriş kenê rijnayîş dahîna lez beno. Ma sey şar û têgêrayîşê azadîye eşkenê emser bikerê serra rijnayîşê faşîzmî. Şarê ma pê çalakîyanê xo cewabê hêrişan da. Semedê rijnayîşê faşîzmî ganî Kurdîstan û teberê welatî her ca de têkoşîn bêro pîlkerdene.''