Kongreya Awankerdişê Dêrsimî Merkezê Kulturê Elewîyan ê Oberurselî yê bajarê Frankfurtî yê Almanya de Kombîyayîşê xo yo Pêroyî yo 3. kerd.

Temsîlkarê Merkezê Cigerayîş û Tarîxî yê Dêrsimî, Komeleya Kurmeşîyan, Meclîsê Kurecîkiyan ê Mîyanneteweyîyî, Komîteya Ekolojî ya KCDK-E, Federasyonê KAWA, Partîya Çepa Hewze ya Ewropa, FEDA û Yewîya Cinîyan ê Elewîyanê Demokratîkan tewrê kombîyayîşî bîyî.

Kombîyayîş de ame vatene ke ganî xebetê înan ê derheqê Qirkerdişê Dêrsimî û qirkerdişê ke hema vera kultur û xoza yenê kerdene, bikirişîyê UNESCo, Yewîya Ewropa, û Neteweyanê Yewbîyayeyan.  Reyna problemê aktuel û tarîxî yê Dêrsimî ameyî destgirewtene û bale acinîyaye hêrişanê vera bawerî û xozaya Dêrsimî ser.

Kombîyayîş de 7 kesan ra îdareyo newe yê Kongreya Awankerdişê Dêrsimî ame bewlîkerdene.  Îdareyo newe do kombîyayîşê xo yê verênî de vervatoxanê xo bewlî bikero wezîfeyê xo pare bikero.