Tepişteyê zîndananê Tirkîya û Vakurê Kurdîstanî 104 rojî yo vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê xo grevê vêşanîye de yê.

Koordînasyonê Çimdarîye yê Grevê Vêşanîye yê Herêmî derheqê grevê vêşanîye yê tepişteyan de Merkezê Komeleya Heqanê Merdiman (ÎHD) yê Anqara de kombîyayîşê çapemenîye kerd. Endamê koordînasyonî zî tewrê kombîyayîşî bîyî. Endama  Komeleya Huqûqnasan ê Hemdeman (ÇHD) avûkate Ayşegule Çagatay eşkerayîye wende û eşkera kerd ke binpaykerdişê heqanê tepişteyan tesîrê her warê cuye kenê.

Ayşegule pare kerd ke ke tecrîdê Îmraliyî vera qaîdeyanê Mandelayî yê NY, şîretanê CPTyî û Qanûnê Înfazî yê 5275î yo û waşt ke cade dezgehê eleqedarî wezîfeyê xo bîyarê ca. Ayşegule venga selahîyetdaran da ke seba wedaritişê tecrîdî wa game bierzê.