Seba ke PKK 'lîsteya terorî' ra bêro vetene her cayê dinya de kampanyayê îmzayan vila benê. Paytextê Danimarka Kopenhag de bi çalakîya xeyme startê kampanya ame dayene.

Cayo tewr sixletî yê bajarî de hetê Meclîsê Cinîyan ê Sevê û Merkezê Komelê Demokratî ra standê îmzayan ame akerdene û xeylêk îmzayî ameyî arêdayenê. Çalakwanan ard ziwan ke PKK îradeyê şarê kurdî temsîl keno û vat ganî cade 'lîsteya terorî' ra bêro vetene. Qiseykerdişan de ame vatene ke PKK têna semedê şarê kurdî nê semedê heme şaran ê bindestan hêvî yo. Çalakwanan vat ê do her hewte çalakîya standî bidomnê û semedê tewrbîyayîşê kampanya veng da.

Hetê bînî ra çarçeweya kampanya de bajarê Bordeuxî yê Fransa de xeyme ameye ronayene û xelêk îmzayî ameyî arêdayene.

Reyna bajarê Hamburgî yê Almanya de zî ciwanê kurdan bi eynî waştişî kuçeyan de bî.  Ciwanan Meydanê Jungfernstieg de îmzayî arêdayî û kitabê Rayberê Şarê Kurdî Abdullah Ocalanî dayî naskerdene.