Korona: 28 kesanê bînan cuya xo vînî kerde

Goreyê doneyena peyênan ê selahîyetdaranê Tirkîya 24 seatanê peyênan de rîyê janê Korona ra 28 kesanê bînan cuya xo vînî kerde û hûmara kesanê ke cuya xo vînî kerde bîye 4 hezar û 489.

Wezîrê Weşîye Fahrettin Kocayî hesabê xo yê Twîtterî ser ra derheqê rewşa peyêne ya vîrusê Korona de zanayîş pare kerd.

Goreyê zanayîşanê ke Kocayî dayî 24 saetanê peyênan de Kurdîstan û Tirkîya de 28 kesanê bînan cuya xo vînî kerde. Goreyê naye kesanê ke heta ewro cuya vînî kerdo hûmara înan bîye 4 hezar û 489 û hûmara kesanê ke pê nê janî kewtî bîye 162 hezar û 120.

Hetê bînî ra rîyê vîrusê Korona ra pêroyîya dinya de hûmara merdeyan 363 hezaran ra raverête û hûmara înanê ke pê na nêweşîye kewtî zî 5 mîlyon û 940 hezaran ra ravêrte.