Korona: 30 kesanê bînan cuya xo vînî kerde
Goreyê doneyena peyênan ê selahîyetdaranê Tirkîya 24 seatanê peyênan de rîyê janê Korona ra 30 kesanê bînan cuya xo vînî kerde û hûmara kesanê ke cuya xo vînî kerde bîye 4 hezar û 461.
Wezîrê Weşîye Fahrettin Kocayî hesabê xo yê Twîtterî ser ra derheqê rewşa peyêne ya vîrusê Korona de zanayîş pare kerd.
Goreyê zanayîşanê ke Kocayî dayî 24 saetanê peyênan de Kurdîstan û Tirkîya de 30 kesanê bînan cuya xo vînî kerde. Goreyê naye kesanê ke heta ewro cuya vînî kerdo hûmara înan bîye 4 hezar û 461 û hûmara kesanê ke pê nê janî kewtî bîye 160 hezar û 979.
Hetê bînî ra rîyê vîrusê Korona ra pêroyîya dinya de hûmara merdeyan 358 hezaran ra ravêrte. Reyna Ewropa de hûmare 175 û Amerîka de 100 hezaran ra ravêrte.
