Kovara bi nameyê Gauchebdo ya ke Swîsre de yena weşanayene kampanyaya ke esemedê azadîya Rayberê Şarê Kurdî Abdullah Ocalanî  yena rayraberdene sey xebera îlane weşana.

Xebera ke beşê ''paştdayîş'' de ameye weşaneyene de derheqê kampanya de nê ameyî vatene:

''Semedê azadîya Rayberê Têgêrayîşê Azadîye yê Kurdî Abdullah Ocalano ke 1999î ra nata Tirkîye de tepişteyo kampanyayêka newîye ameye destpêkerdene. Têgêrayîşê Azadîye yê Kurdî serra 1974î de vera hêrişanê kolonyalîstan ê dewleta tirke ame ronayene. Abdullah Ocalano ke o wext binê tesîrê fîkranê sosyalîst, marksîstan de mend semedê kurdan dewletêka cîya waştêne. 2005 ra nata paradîgmaya têgêrayîşê azadîye bedilyaye. Ocalanî de hucre de fikrê xo yê ke sey konfederalîzmê demokratîkî name keno aver berdî. Tarîxo ke herême de qoq dayo, têgêrayîşê keda mîyanneteweyîye ya pîya nê fîkrî sosyalîzmê seserra 21.  temsîl kenê.

Kurdanê ke vera DAÎŞî mucadele kerd Rojawan de xîret kerd ke komelêkê neweyî biafernê. Verê çimanê dinya de Tirkîya paştêranê xo reyde hêrişê kurdan kena. Mabênê serranê 2013-2015 mabênê selaheyatdaranê tirkî û Raybero kurd Abdullah Ocalanî pêvînayîşê çareserî ameyî kerdene. La Serekkomar Erdogan nişka bi hewayêkê wişkî seba ke gonî û şîdetî peyser bîyaro no proses vindarna. Wextê ci yo ganî no bêro vindarneyene.''

Xabere de derheqe kampanya de no lînk zî ame parekerdene: www.freedomforocalan.org/