Qezayanê Sûr, Peyas û Yenîşehîrî yê Amedî vizêr adirê Newroze ame wekerdene. Amedijan dormeyê adirî de govende girewte û bi tîlîlî û sloganan waştişê azadîye ard ziwan.

Sûr de HDPyîjanê ke taxa Zorava de vilawekî vila kerdî pîya bi şarê taxe Newroze fîraz kerd. Adirê Newroze ame wekerdene û dormeyê ci de govende ameye girewtene. Dewanê Qerewrî û Tilhamî yê Yenîşehîrî de HDPyîjan vilawekê Newroze vila kerdî û pîya bi dewijan Newroze fîraz kerde. Hemsereka HDPyî yê Yenîşehîrî Belgine Diken venga şarî da ke wa tewrê şayîya Newroze bibo.Peyas de zî dewanê Dilberg, Cûcûk, Cankitran û Bazarê Semtî de vilawekî ameyî vilakerdene. Şayîyan de kuçeyî pê slogananê azadîye û tîlîlîyan zimayî.