Dewanê  Bistîn û Gireqoçî yê qezaya Çermûgî ya Amedî de bi şîarê 'Wext wextê serkewtişî yo' adire Newroze ame tafînayene.

Rêxistina HDPyî ya Amedî çarçewaya xebatanê Newroze de vizêr sey xeylêk qezayanê bînan qezaya Çermûgî zîyaret kerd.

Wekîle Dersime Dag û Hemsereka Partîye ya Bajarî Gulîstane Ataksoy zî tede HDPyîjî şîyî dewanê Bistîn û Gireqoçî yê Çermûgî û semedê tewrbîyayîşê şayîya Newroze ya 21ê Adare ya ke do Parka Newroze de bêro kerdene, veng da şarî. Dima ra adirê Newroze ame tafînayene û dormeyê ci de govenda azadîye ameye girewtene.

Reyna, qezayanê Sûr, Peyas û Baglarî de zî adirê Newroze ame tafînayene û semedê tewrbîyayîşê Newroze ame vengdayene.