Dêrsim de seba şayîya Newroze ya 19ê adare Rêxistina HDPyî kuçe bi kuçe vilawekî vila kerdî û venga şarî da ke tewrê şayîye bibo.

Şayîya Newroze ya Dêrsimî 19ê adare de, Meydanê Seyîd Rizayî de do bêra kerdene. Rêxistina HDPyî ya Dêrsimî taxa Cumhurîyetî ya merkezê Dêrsimî de bi beşdarîya Wekîlê HDPyî yê Dêrsimî Alîcan Onluyî vilawekî vila kerdî.

Wextê vilakerdişê vikawekan de vera sloganê ''Biciwîya  Newroze'', ''Newroze xêr ameya'' ameyî vatene. Roniştoxanê taxe zî pancerayanê keyeye xo ra pê çepikan paştî daye xebate. Heyetê Rêxistina HDPyî tay kuçeyan de da erbane ro û govende girewte.