Kurdanê Ermenîstanî îşxalkarîya dewleta Tirkî şermezar kerde
Kurdê Ermenîstanî dostanê xo reyde verê Konsolosxaneyê DYA yê Erîvanî de kom bîyî û înan îşxalkarîya dewleta Tirkî ya verba Rojawanî û Vakur û Rojakewtena Sûrîye şermezar kerde.
Kurdê Ermenîstanî dostanê xo reyde verê Konsolosxaneyê DYA yê Erîvanî de kom bîyî û înan îşxalkarîya dewleta Tirkî ya verba Rojawanî û Vakur û Rojakewtena Sûrîye şermezar kerde.
Kurdanê şaristananê cîyayan ê Ermenîstan ra bi konvoyêka wesayîtan verê xo dayî paytext Erîvan. Konvoye pê alayanê YPG/YPJ'yî û fotografê Rayberê Şarê Kurdî Ocalanî ameye xemilneyene.
Çalakîya de fotografê Hevrîn Xelefe û sivîlanê ke hêrişanê îşxalkarîye de ameyî kiştene, ameyî kiriştene û verba îşxalkarîya dewleta Tirkî bi ziwananê Îngîlîzkî, Kurkî, Ermenîkî pankartî ameyî kiriştene. Hemserekê Yewîya Kurdan ê Ermenîstanî û Parlamnetero Kurd Kinyaz Hasanovî meydanê çalakîye de qisey kerd û vat: "DYA bîyo hemparê nê sucî. Ma tawirê DYA şermezar kenê. Kurdê çar parçeyê Kurdistanî û êyê dîasporayî ganî bibê yew. Eke bibê yew, kam se keno wa biko do pê ma nêeşke. Kurdî bi îradeyê xo xo ver bidê û ser bikewê."
Hemserekê Komîteya Kurdistanî Silo Dirboyanî zî bale ante serê girîngîya yewîya neteweyî û îfade kerd ke ê xoverdayîşê Rojawanî reyde yê. Qefleyê şarî dima panc deqeyan çalakîya ronîştişê viraşte û mîtîngê xo kerd.