Vera hêrişê îşxalî û şuxulnayîşê çekanê kîyewîyan ê dewleta tirke kurdî kuçeyan de yê. 6ê teşrîna verêne (siba) Ewropa, Awustralya û Kanada de  do çalakîyî bêrê kerdene. KCDK-E semedê tewrbîyayîşê çalakîyan veng da.

KCDK- E vist vîrî ke dewleta tirke ya îşxalkere pêkerdişanê mîyannetweyan binpay kena û vera gerîlayan çekanê kîyewîyan şuxulna û vat  dewletê Ewropa zî bi bêvenîya xo paştî danê ci. Eşkerayîye de bale ameye antene serê şerê leyminî yo ke artêşa tirke Başûrê Kurdîstanî de rayra bena û ame vatene ke gerîlayê azadîye semedê azadîyê kurdan û şarê herême têkoşîn kenê.

Eşkerayîye veng dîya Rêxistina Qedexekerdişê Çekan ê Kîmyewîyan (OPCW)  ke wa vera sûcanê Tirkîya çimanê nêqefilneno û wezîfeyê xo bîyaro ca. KCDK- E da zanayene ke 6ê teşrîna verêne (siba) semedê protestokerdişê şuxulnayîşê çekanê kîmyewîyan Ewropa, Awustralya û Kanada de do çalakîyî bêrê kerdene û semedê tewrbîyayîşê çalakîyan veg da. Eşkerayîye de ame vatene ke Hollanda de do verê OPCWî de saete 14:00 de çalakîye bêro kerdene semedê tewrbîyayîşî ame vengdayene.