Bajarê Lozanî yê Swîsre de yo ke tede Pêkerdişê Lozanî ame kerdene ke Kurdîstan kerd çar parçe, 23, 24ê êlule de do seba di rojan projeyo hunerkî û sîyasî yo bi nameyê ''Sefîrxaneyê dinyayêka newîye: Kurdîstan'' bêro kerdene.

Çarçeweya projeyî de yo ke hetê endama KNKyî sîyasetmedare Nilufere Koç û hunermend Jonas Staalî ra ame dîzankerdene, di rojî do xebatê atolye, fîlmî, konserî, muneqeşeyê masaya gilovere û panelî bêrê kerdene. Organzînator û wayîrê keyeyî yê projeyî Tîyatroyê Lozan Vidyî (Théâtre Vidy-Lausanne) yo ke Swîsre û Ewropa de namdar o.  Dezgehê mîyanneteweyî yê sey Weqfê Mondriaan û Progressive Internationalî zî paştî danê ci.

Sîyasetmedar, hunermend û pîsporî do bêrê têhet û bi paradîgmaya Rayberê Şarê Kurdî Abdullah Ocalanî derheqê meseleyanê sey demokrasîyê bêdewletî û kulturê paştdayîşî muneqeşe bikerê. Çar parçeyanê Kurdîstanî ra tewrbîyayoxî û warê mîyanneteweyî ra do figurî tewrê ci bibê. Rojdemanê bingeyînan ra yew zî sîstemê Rojawanî yo ke bi paradîgamaya Rayberê Şarê Kurdî Abdullah Ocalanî ame ronayene. Reyna do bale biancîyo xoverdayîşê cinîyan ê kurdan ser.

Aktîvîteya ke do 23-24ê êlule de Tîyatroyê Lozan Vidyî (Théâtre Vidy-Lausanne) de bêro kerdene, çew eşkeno lînkê cêrînî ra bireso programê ci: