Tirkîya û Vakurê Kurdîstanî de 81 şaristanan, 973 qezayan û 390 bajarekan de ewro weçînayîşî est ê. Weçînayîşan de hem şaredarî hem zî 50 hezar muxtar û endamê meclîsanê şaredarîyan do bêrê weçînayene.

Agirî de îqtîdarê AKP-MHPyî wexto ke bi otobusan weçînitoxê qeçaxî berdêne ame dîyene. Dîmenan de aseno ke nê weçînitoxî polîs û leşkeran ra yenê pê.

Qezaya Çinarî ya Amedî de çar dewan ke AKPyî bi di mîlyonan hezar û di se rayî hêrînayî.

Weçînayîşan de 61 mîlyonan ra zêdeyêr weçînitoxî qasê 208 hezar sindoqan de rayanê xo do bidê.

Semsûr, Agirî, Artvin, Çewlîg, Bedlîs, Amed, Xarpêt, Erzîngan, Erzirom, Dîlok, Giresun, Gumuşhane, Colemêrg, Qers, Meletî, Mereş, Mêrdîn, Mûş, Ordu, Rize, Sêrt, Sêwaz, Trabzon, Dersim, Riha, Wan, Bayburt, Êlih, Şirnex, Erdexan, Îdir û Kîlîs de 07.00 de raydayîş do dest pêbikero û 16.00 de biqedo.

Şaristananê bînan de raydayîş 08.00 de do dest pêbikero û heta 17.00 dewam bikero.