Eleqeyê seba kurdkî her roje zêdîyeno. Dima ke Google-Translate de kurdkî ca girewt şîrketa Amerîka Microsoftî zî kurdkî îlaweyê ziwananê açarnayîşî kerde.

 Microsoftî keyepelê xo yê fermîyî de eşkerayîyêke daye û nê çîyî vatî: ''Microsoft Translator ewro di dîyalektîkanê kurdkî îlaweyê ziwananê xo keno. Nê di dîyalektîkî do Microsoft Translator, Office û Translator for Bing de xizmet bidê.'' 

Microsoftî pare kerd ke kesê ke wazenê eşkenê 70 ziwanan ra çeku yan zî cumleyan biaçarnê kurdkî û kurdkî ra biaçarnê nê 70 ziwanan.

Microsoftî xebera xo ya derheqê kurdkî de fotografê Kelaya Erbîlî pare kerd û derheqê kurdkî de zanayîşî zî dayî.