Elî Qazîyo 89 serreyo ke Serekê Komara Mahabadî ya Kurdîstanî Qazî Mihemedî yo ewro şaristanê Bonnî yê Almanya de wefat kerd.

Elî Qazî 1933 de şaristanê Mehabadî yê Rojhelatê Kurdîstanî de dadîya xo ra bîyo wextê ronîyayîşê Komara Kurdîstanî de 13 serre bi. 

Elî Qazî wextêk Serekê Partîya Azadîya Kurdîstanî bi la nêweşîye ra serekîya partîye verdabî.

Elî Qazî ra ber 4 kênayê Qazî Mihemedî est bîyî. Elî Qazîyî waştbi ke cenazaya ci wa Mehabad de bêra definkerdene.

Komara Kurdîstanî 22ê çeleyê 1946î de hetê Qazî Mihemedî ra şaristanê Mehabadî de amebî îlankerdene û têna 11 mengan dewam kerd. Dima ke komare rijîyaye 31ê adara 1947î de Qazî Mihemed û embazê ci Meydanê Çarçira yê Mehabadî de hetê hêzanê rejîmê Îranî de ameybî dardekerdene.